Verðmat á fasteignum

Núna þegar á að koma krónunni á flot eftir hjálpina frá IMF og verðbólguskotið kemur til með að setja allt af stað hér á landi og keyra marga í kaf, þá er eitt sem menn ættu að velta fyrir sér.

Þeir sem hafa tekið 80% lán + vegna íbúðakaupa lenda nú í því á sama tíma að eftirstöðvar lána rjúka upp úr öllu valdi um leið og verð á fasteignum fer niður á við. Þetta þýðir aðeins það að það sem verður áhvílandi á íbúðunum er orðin hærri upphæð heldur en verðmæti fasteignarinnar.

Þetta getur orðið bein ávísun á það að fólk hætti að greiða af sínum fasteignum og láti viðkomandi bankastofnun hirða hana og fari á leigumarkaðinn í staðinn. Einnig er þetta slæmt mál fyrir fólk í framtíðinni því þetta segir fólki að enginn fer í að selja húsnæði sitt ef hann þarf að greiða mismun á milli eftir sölu fasteignar.

EN SVONA ER ÍSLAND Í DAG